ســواقـة البنـــــــــات

موضوعنا اليوم عن البنت والسوااقه

تعالوا نشوف البنوته الناعمة وهي تسوق وردّة فعل الشباب:

1. سواقة البنت للسيارة يحجم بل يمنع مشكلة تهور الشباب وقطع الإشارات المرورية فسيحرص التماسيح كل الحرص على أن لا تفوته إشارة حمراء!!

2. سعـــــودة محلات البنـــــشر بنسبة 1000 % لان الشباب كل واحـــد بيفتح له بنشر وبينتظر تبنشر سيارة وحده من البنات عشان يصلحها وهذا غير الشباب اللي بتلقاهم على الخطوط منتشرين تقول جراد كل واحد بعفريتته ومفك الكفرات
.
3. بيكثر التقديم على وظايف المرور وخاصة اللي يجلس عند الاشارات يعني زين اذا مالقيت المرور يشترطون شهادة الطب ونسب عالية للى يبون وظايف عندهم من كثر الطلبات عليهم والواسطات الجامدة بتدّهر.

4. بتتسعود الورش ومحطات البنزين يعني بدل الهنود بتلقون اللي يشتغلون فيها كلهم الشباب بس في المقابل افلقوني لو اصحاب المحطات بيكسبون ريال واحد يعني تجي السحلية تقول للشباب صب بنزين بعشره ريال طبعا ابوالشباب بيحط ليّ البنزين في التانكي وبيفتح فمه مفهّي ويناظر بالبنوته مايدري الا هو معبي تانكي السياره لللاخر يعني Full وطبعا يوم بيجي يحاسبها بتعطيه عشره ريال مثل ماقالت له عب وياليته ياخذ العشره ريال بعد الا يطمر ويحلف عليها ماتدفع ريال ويقول هالمره خليها علينا, وشذا الكرم الّلي نزل مره وحده!

5. لو ان البنت وهي ماشية بالشارع طلع عليها قطو وش تتوقعونها بتتصرف؟ هي وحدة من ثنتين اما بتلف عنه وتقشع في ماسورة النور أو بتفعص القطو وعقبها ماهيب نايمة اسبوع وبيأنبها ضميرها واحتمال تتطور الحالة لمرض نفسي.
6. بتخسر شركة الاتصالات يعني البنت اللي كانت تتصل على صديقتها وتجلس تكلمها بالساعات بيصير التلفون مال امه داعي يعني البنت بتمر صديقتها والا بتقابلها في شارع وكلن بسيارتها وهاتك سواليف وهرج وهم يتكلمون بالشارع بيقفلونه وبتصير زحمه ماهيب طبيعيه بس افلقني لو احد الشباب فتح فمه وقال لهم حركو السيارات زين ان ماباشرو عليهم ببارد والا بعشاء وهن بسياراتهن وبيقولون لهم خذووووا راحتكم على الاخر اصلا حنا ماورانا شي !! وين الابطال اللي الواحد ثواني يوقف سيارته مايدري الا مليون شاب يقولّه حرررك من هنا والا والله......
7. اذا حصل هواش بين الشباب والبنت المتزوجين واحتد الامر وعلت الاصوات وامتدت الايادي( وصفقها وصفقته) واحمرت الاعين وتطاير الشرر منها وارغى وازبد كل منهما... عندها بتقول البنت للشباب ( ودني لهلي) وبيقول الشباب وهو معرفط وجهه ( ماني موديك) وبتستمر المشكلة ولكن لو كان للبنت سيارة بتطلع غصب عنه وبتقول له (اروح ورجلك فوق رقبتك)ولا راح يكون فيه اي تمساح يتمنن على سحليه بمشوار.
8. يمكن للبنت ان تساعد الشباب في مصروف البيت بأن تمارس مهنة التوصيل وتحميل الركاب على الوانيت هنا اوصي البنات بإقتناء سياره تتحمل المشاوير وان لزم الأمر "دينّا" لتحميل العفش.

9. ناهيك عن المنظر الجمالي للسيارات راح نلاقي لمسات حواء حتى في الشوارع وكل وحده تقول الزود عندي ( يبحثون عن الغريب والالوان الغريبه )طبعا مايروح فيها الا الازواج والاباء المساكين(شوف بنت فلان وشوف زوجت علان).

10. بيطيح سوق التكسي والليموزين ولا تهون الباصات والفانات اللي تنقل المعلمات وبنات الجامعه
11. راح تفيد السواقه حواء اللي تبي الفكه من زوجها اللي ناشب لها و راح يكون أنسان ثاني يحب التنزهه والهواء الطلق والفكه من القعده بالبيت
12. راح تزيد صلة الرحم تلقى الناس يتجمعون والجار اللي مايعرف جاره تلقاهم مره رايحين يصلون على بنت فلان اللي رقعت في ماصوره والمره الثانيه يزورون بنت فلانه اللي دخلت في جدار بيتهم و هدته.